Bihar, apirilak 21 ostirala, Castillo Suarezek bere azken lana aurkeztuko du Arbizuko udaletxeko batzar aretoan, arratsaldeko 18:30ean.

Erein argitaletxearekin argitaraturako lan hau, 7 urtetik gorako haurrei zuzendua dago eta Aitziber Alonso ilustratzailea izan da Suarezen hitzei irudia jarri diona.

Hona hemen sinopsia:
Nadia dut izena, ez dut anai-arrebarik, eta amarekin bizi naiz errepide ondoko pisu batean. Aita ez da gurekin bizi. Baina ez nire gurasoak bananduta daudelako, baizik ezin direlako elkarrekin egon. Nire aita kartzelan dago. Jaio nintzenean ere kartzelan zegoen.

Niri ez zaizkit kartzelak gustatzen, hotzak eta zikinak direlako. Nik itsaso zabala maite dut, eta, nire aita non dagoen galdetzen didatenean, Ozeano Barean dagoela esaten dut maiz, urpekari batean, Nemo kapitaina bezala.