• AGOTZAINA: Gogoratu larunbatean eguerdiko 12,30 ean BATZARRA deituta dagoela. Udal areto nagusian bilduko gara, daukagun informazioa partekatzeko.
  • ESKOLA ZAHARRA zegoen eraikinarekin zer egin erabakitzeko, prozesu partehartzaile bat martxan jartzeko txostena aurkeztu dugu diru laguntzak jasotzeko. Prozesua aurrera eramaten lagunduko duen enpresak ahal badu eta osasun egoera egokia bada, aurtengo maiatza-ekaina bitartean egin nahiko genuke erabakitze ariketa. Bestela, iraila-urrira atzeratuko dugu, baina aurten egitea da gure buruari jarri diogun erronka.
  • DUATLOIA: Osasun egoerak uzten badu, martxoak 27an ospatuko da. Dagozkigun antolaketa lanetan hasiko gara jada.
  • ARBIZUKO EREMUAREN FINKATZEAZ Jose Luis Erdoziak idatzitako artikulua argitaratu dute Principe de Viana aldizkari espezializatuan. Hona hemen lotura irakurri edo/eta deskargatu ahal izateko. ARBIZUKO EREMUAREN FINKATZEA