• SAKANAKO UDALEK ENERGIA KOMUNITATEA OSATZEKO PROIEKTUA LANTZEN:
    • Gure basoetan dagoen biomasa kudeatu, eta ondorioz, eraikin publikoak (udalak, ikastetxeak, polikiroldegiak, musika eskolak, kultur etxeak,….) berotzeko behar dugun energian burujabeak izateko helburuarekin ari gara proiektu hau garatzen.
  • UEMA: Udalerri Euskaldunen MAnkomunitatea
    • Urte berriarekin batera Asteasu, Astigarraga eta Hernani sartuko dira UEMAN, euskarak dituen arnas guneen kopurua handituz.
    • Haurren erabilera ohituretan eragiteko, ariketa ezberdinak egin dira aurten eta datorren ikasturterako ere, proiektu berri baten parte izateko aukera emanen digute, guraso eta irakasleen baiezkoa jasoz gero.
    • Aurtengo aldizkaritxoa ere etxe guztietan jasoko dugu informazio gehiago izateko.
  • ATERPE BERRIA:
    • Obrak hasi dira eta Ubelde kalea itxita egonen da lur zoru berria jarri arte.
    • Ondoren, aterpearen egitura tallerrean egiten den bitartean, zabalik egonen da berriz.
  • OLATZEKA COHOUSING: Zahartzaro aktiburako proiektu honen aurkezpen formala eginen da bihar eguerdiko 12:00tan, “ate irekiera” saioarekin. Herritar guztientzat daude ateak irekita, proiektuaren nondik norakoen berri izateko eta eraikina ikusteko. Ongi bidean, ekaina baino lehen jarriko dira bertan bizitzen.
  • GABONETAKO PROGRAMA eta LIBURUTEGIA:
    • 4 egunetan izanen dira haurrendako ekimenak: abenduak 28-29 eta urtarrilak 3-4.
    • Liburutegiaren ordutegia urtarrilak 2-5 artean goizeko 10:00-13:30 izanen da. Abenduak 26-30 bitartean ITXITA egonen da.